Ўзбекистон Республикаси Адлия вазирлиги ҳузуридаги Ҳуқуқий сиёсат тадқиқот институти қуйидаги лавозимларга танлов эълон қилади

Етакчи маслаҳатчи  – 2 та;

Катта маслаҳатчи  – 1 та;

Катта маслаҳатчи  – 0,5  (Бола парваришлаш таътилига чиқиши муносабати билан бўш иш ўрнига).

Номзодларга қўйиладиган талаблар:

олий юридик маълумот – магистратура босқичи;

юридик ихтисослиги бўйича камида етти йиллик иш стажига, шу жумладан камида уч йил раҳбарлик лавозимларида иш тажрибасига эга бўлиш (директор ўринбосари лавозимига);

илмий унвонга, фан доктори, фан номзоди илмий даражасига эга бўлиш (директор ўринбосари лавозимига);

юридик ихтисослиги бўйича уч йиллик узлуксиз меҳнат стажи;

илмий-амалий тадқиқотлар ўтказа олиш, таҳлилий мақолалар  ва бошқа материаллар тайёрлай олиш;

қонун ҳужжатларининг моҳиятини тушуниш ва тушунтира олиш;

норматив-ҳуқуқий ҳужжатлар лойиҳаларини ишлаб чиқиш тажрибасига эга бўлиш, қонунчилик техникасини билиш;

компьютер техникаси ва ахборот-коммуникация технологияларидан фойдаланиш бўйича кўникмаларга эга бўлиш;

давлат тилини мукаммал билиш;

инглиз, рус, француз, хитой ёки араб тилларидан камида биттасини мукаммал билиш;

юклатилган вазифаларни мустақил, назоратсиз бажара олиш;

ташаббускорлик, жонбозлик хислатларига, давлат хизматчиси номига лойиқ одоб-аҳлоққа эга бўлиш.

Иш ҳақи ва бошқа афзалликлар:

ойлик иш ҳақи 4 млн. сўмдан бошланади;

байрам ва бошқа муҳим саналар муносабати билан мукофот пуллари;

қишлоқ хўжалиги маҳсулотлари сотиб олиш учун йилда бир маротаба моддий ёрдам (энг кам ойлик иш ҳақининг 10 баравари миқдорида);

адлия органлари ходимларига бериладиган махсус унвон – мартаба даражаларини олиш имконияти;

чет элларга хизмат сафарлари ва стажировкаларга бориш имконияти;

меҳнат натижаларига қараб бошқа афзалликлар.

Танловда иштирок этиш истагини билдирган номзодлар 2020 йил 20 февраль кунига қадар ариза билан мурожаат қилишлари мумкин.

Аризага қуйидаги ҳужжатлар илова қилинади:

— шахсий варақа (сўровнома, анкета ёки маълумотнома-объективка. юборилаёган маълумотномада номзоднинг яшаш манзили ва телефон рақамлари тўғрисидаги ҳамда қайси иш ўрнига ҳужжат топшириш истаги ҳақидаги маълумотлар ҳам экс эттирилиши керак);

— диплом (дипломдан кўчирма)нинг нусхаси, чет элда ўқиган бўлса, дипломи нострификациядан ўтганлигини тасдиқловчи гувоҳнома, олий таълим муассасаларининг битирувчи курсларида таълим олаётганлар бундан мустасно;

— номзоднинг паспорт нусхаси;

— ўтказган илмий-амалий тадқиқотлари ёки ўтказилган илмий-амалий тадқиқотлар жараёнида иштирок этганлигини тасдиқловчи маълумотлар;

— миллий ва хорижий ОАВда чоп этилган таҳлилий мақолалари рўйхати;

— қонунчиликни такомиллаштириш юзасидан берган таклифлари тўғрисидаги маълумотлар;

— ишлаб чиққан норматив-ҳуқуқий ҳужжатлари лойиҳалари рўйхати.

Ариза ва унга илова қилинган ҳужжатлар tadqiqotinstituti@adliya.uz электрон манзили орқали электрон шаклда юборилиши ҳам мумкин.

Маълумот  учун телефон: 71 268 28 45